President Bola Ahmed Tinubu done send Tax Reform Bills go National Assembly make them check .
This new bills day try make the tax system easy and beta for all the people way day pay tax for Nigeria.
The bills no just day talk about normal tax mata but e include Nigeria Tax Bill, Nigeria Revenue Service (NRS) Establishment Bill, Nigeria Tax Administration Bill, and Joint Revenue Board (Establishment) Bill.
Nah all this bills show say Tinubu and him team, way Taiwo Oyedele day lead, done try well well since Tinubu enter seat.
The main aim be to make Nigeria revenue beta and make tax fair for all the people way day pay.
ac
But as the bills land, 19 Northern governors done day vex day oppose the reform, especially for the idea way go use derivationbased system to day share the Value Added Tax (vat) among the states.
Them day fear say this new system go put them for tight corner especially for their states way no too get industries.
This talk nah when Northern States Governors’ Forum (NSGF) meet for Kaduna.
Plenty traditional rulers, military people like General Christopher Musa, and other stakeholders follow for the the meeting.
The meeting show say governors and other groups day worried sake of the tax reforms matter.
According to Governor Muhammad Yahaya, way day chair NSGF, the forum no day happy about the Tax Reform Bills.
The main wahala nah for the new way them plan to share vat.
Normally, them day share vat based on where company headquarters dey, but this new derivationbased system go mean say states like Lagos and Rivers way day produce plenty resources go collect more, while Northern states way no get industries go suffer.
The governors day argue say this system no fair and e no day give all states equal share.
After the meeting end, governors con day call make fairness day across all national policies and con day warn say no part of Nigeria suppose suffer from any unfair decision.
No be say them day oppose policies way fit grow Nigeria, them day demand fairness to make sure the North and other regions no lose out from the tax reforms.
The discussion no end there.
During National Economic Council meeting recently, plenty governors still show say them no happy with the reforms.
Even plenty APC governors way day dia, no still agree make the reforms waka go front.
Governors like Alex Otti from Abia and Chukwuma Soludo from Anambra follow join the discussions late for night for Abuja but the meeting no reach any final decision.
This con make plenty people day wonder if everything pure for this reforms.
The tax reforms way them day bring come include Nigeria Tax Bill and Nigeria Tax Administration Bill way day try make taxes simple for individuals and businesses.
One major reason for this reforms nah to remove wahala and confusion for Nigeria tax system.
According to the new reforms, all taxes go now day operate under one simple framework to make arm easier for taxpayers to understand and follow.
The reforms also day try reduce the financial pressure for people way no too get money.
For example, the reforms propose say personal income tax rates go drop for people way day collect less than N800,000 annually.
In fact people way day collect low moni no go pay personal income tax again ma.
Tax rate go follow income level. People way day collect more moni go pay more tax.
This system way them carry come go make tax fair and e go make sure say everybody pay according to way thing them collect.
One of the tins way scatter belli for the reforms nah the derivationbased model way them wan use to day share the vat among the states for Nigeria.
Them say the model go favour states like Lagos and Rivers way get heavy consumers and producers of VATrelated goods.
Dats why the Northern governors no gree.
Them day talk say this new model day political and e also get economic wahala.
Governors like Babaganah Zulum from Borno warn say this new vat sharing system go cause serious katakata for millions of people way day live for place where industries no too dey.
The National Economic Council (also talk about this matter for their meeting way them do for Abuja.
Them con yarn say make President Tinubu withdraw the tax reforms bills and make him do proper consultation with all the governors first.
But President Tinubu no day back down. After all the calls, he still wan make the reforms waka with no further delay.
The reforms get Nigeria Tax Bill way day try join all tax laws to one simple law.
This law go remove all tax structures way get kleg and e go make tax payment easy.
Part of the reforms day include removing old laws like the old Petroleum (Drilling and Production) Regulations.
Them even include a supremacy clause way go make this new tax system the main tax law for Nigeria.
This means say if any old law clash with this new one, the old law go take back seat.
Although critics day talk say the reforms go cause hardship, if you look arm well, you go see say them day try make tax payment easy, especially for small business owners and regular individuals.
As them bring simple processes come with tax rates way no day pepper for bodi, e fit reduce financial burden for plenty people.
Tinubu and him government day try solve tax revenue wahala for Naija as part of him Renewed Hope campaign promise.
This reforms nah bold steps way fit create stable fiscal system for the country.
But, plenty work day way them go do, and people and governors day expect fair treatment and equity on top this reforms.
The success of this reforms go depend on how federal government and governors go work together.
Nigeria really need this reforms to make tax system better for the future.
But if government and all the parties way day involve fit settle their differences, the reforms go work well for everybody.
For now, the debate still day on, but we day wait to see way thing go happen next.